يكفي الجبال بقلم حياة الملك

يكفى  الجبال
 ¥¥¥¥¥¥¥¥¥¥¥

تعال    يا رايق     تعال
تعال احضن    للصغار
قلوبنا تشيلك    وتفضل
وحنانا    يكفى   الجبال
سماحة الدنيا بي قربك
وبلاك   الساحات  هزال
وراك   لا   غنت  قمارى
ذبلت   وجفت     ازهار
وكل الكان  جميل قربك
اصبح مويه   فى شلال
وضاعت فى ليالى هواك
ألايام والأحلام     الآمال
 وأصبحت  الحياة  ذكرى
والحال   ما  بسر     البال
تعال      نحقق     الامال
وتفرح كل أمانينا  الكانت
بلاك    سراب   فى  ورمال
وتزغرد  ليك  ديار  ام زين
وترقص  وتدى  فى الشبال
ويلاقيك   الحبيب   والجار
ويرتاح .   معاااك      البال
ودموع الفرحة تجرى انهار
وتتوقف وتجف   ده محال
لأنك   عدة    لى   وطنك
وما   ساهل  تعود   الدار
تعال   قرب  معانا   اصبر
نحن صبرنا   فاقه    خيال
ودعينا  البارى   رب البيت
يقصر  مشوارى  مهما طال
ويمسح   من   قلوبنا ألهم
ويعود   كل    زول   رحال
ويرتاح   من هموم  الغربه
ويسعد ويترك     الترحال

     حياة  الملك
***********؟**