عاشق الروح بقلم صبري رسلان

عاشق  الروح     ( 117)
.....................
ومين  فينا 
ما  قالشي  الآاااااه
وغنى  الليل  على  ليلاه 
ودمعه  عالخدود  كوياااااه   ..
وحلمه  فى  الغرام  ولا  جاه
بيسهر  ليله  وحداني
وعايش   غربه  ليل  تاني 
بيسأل  قلبه  ليه  خالي 
وجانبه  حبيبه  ما  هو  داري 
لا  حس  في  يوم  هوى  روحه 
ولا   بنظره   دوا   جروحه 
هيشكي   ومين   هيسمع   له
ما   طال  صبره  وطال   نوحه 
ده   إمتى  الشوق  هينده   له 
وقلبه   يدق   على   مهله   
 ده  شايل  روحه  على  كفه 
وعينه  وقلبه  وإحساسه 
لاجل  حبيبه   ما   يكفوا 
ليلاتي  يداري  في  ألاااامه 
لا  حس   وجوده   وغيابه 
راضي  بطيفه  بس  يعود 
ويشرب  مره   وعذابه 
ده   عشق  الروح  ربيع  ليلي
ضله  لشمسه   وآنيني   
ومهما  إن  طال  بعاده  إن  طال 
لو  نظره  بتكفيني    ..
وإمتى  النظره   يا  ناسيني  ..
بقلم  ..  صبري رسلان