اصبري بقلم احمد عوض الله

...... اصبري .......
طب اصبري
بكره الحال ينعدل
استحملي
الصبر ينول الأمل
طب قولولي
هيه الدمعه دي مش دمعتي
والحرقه دي مش حرقتي
والأيام اللي تعدي
مش أيام من دنيتي
وليه تقولولي ماتقولوله
وهوه اللي خان
مش أنا اللي خنته
وليه يبيع وأنا أشتري
ومين اللي يحمي مين
ويضلل عليه
وأنا بس ف بيتي
بستني فيه
و ماعرفشي الدنيا
إلا من عينيه
وما أكلشي اللقمه
إلا من ايديه
ومين الضعيف
اللي يتخاف عليه
مين الضعيف
اللي متوصي عليه
وآخرتها يخوني
ويظلمني ليه
ويقولي بحبك
ما أنا عارفه إنه بيحبني
بس اللي يحب واحد
مايعذبشي فيه
ويقولي نزوه
يقولي غلطه
ودي مش زي أي غلطه
دي غلطة العمر ومافيه
وقوللي حبيبي
لو تقدر تمسك النار بإيديك
ونار جهنم تشوي فيك
قوللي وأنا أصبر عليك
قولولي وأنا...
أصبر عليه
          ...........
أحمد عوض الله أحمد