اقوال في مجرى الاحوال بقلم عادل دعبس

اقوال في مجرى الأحوال
ــــــــــــــــــــــــــــــــــــــ
قالوللي تمشي جنب السما
اوتطير في الآرض
ما يهمناش
المهم عندنا الصمت الحكيم
وإنك تكون مستقيم
وعشان نرضى عنك
انسى العقل أوعلقه بمسمار
على حيطة
العقل زينة يا صاحبي مش اكتر
زي اسماك الزينة
وإلّا هنبعت لك
اولاد اللذينة
احنا مش في اوروبا
احنا هنا بالضبط في قلب طربة
يعني خليك في نفسك
وما لكش دعوة بيا
ومتعمليش انت اللي فاهم
والباقي اغبيا
واياك تجيب في سيرة حد
أو تقول عالسبت حد
دي بقى المصيبة بجد
واحذرمن اتنين
واحد يخليك
تعتقد إن ليك عقل
والتاني يفكرك
إنك لك عنين
وعجبي!!!
ــــــــــــ
عادل دعبس