بقلم الكاتب احمد عوض الله

... مابين شطوط وشطوط ...
يابحر ياساكن وحدك
مابين شطوط وشطوط
والناس تيجي لحدك
تزعجك بالصوت
بمركبه ودي ماشيه
وناس ودي عايمه
تحكي سرها وتعود
وأنا سري ليك واحده
خلتني لحن بعود
هزت مشاعري
زي النسيم بورود
واكني كنت مطيه
بوقت مش مشغول
ولما اتشغلت بغيري
رمتها بحملها بعهود
يابحر ياساكن وحدك
مابين شطوط وشطوط
أن صادفتها مره
وأن كانت ناويه تعود
قولها الحب يجود مره
ميجودشي بلا حدود
واللحن بأه طبله
بحفلة زار مجذوب
والنسمه بئت نوه
تحدف موج لشطوط
والوصل أن لضم مره
لم يلضم تاني بخيوط
يابحر ياساكن وحدك
مابين شطوط وشطوط
اكتب اسمي علي ودعك
وبلغو مكتوب
أن جتلو صبيه توشوش
بحبها المفقود
يقولها علي اسمي
يقولها موجود
      ..............
أحمد عوض الله أحمد