بقلم الياس الغربي

( بغير عيونك مابتصور )
باللغة المحكية
-----------------------
بغير عيونك مابتصور
ايامي الحلوة اللي جايي
بدون وجودك مابتخيل
عيش الحب الكلو اماني
بغير الفرة وهاك البكلة
ماعرفت بأنك جهلانة
حني عليي دخلك حني
عشق عيونك لمجنني
خصرك يل ديق عاحالو
من شوقو عرفتك عشقاني
بحبك وبحب التدبيلي
بحبك بالصفنة وشردانة
عاحدود الحيرة العليانة
لما بشوف الخد تحمر
وحكي البعيونك يتغير
بعرف انك.....
دخلتي عاقلبك وعرفتي
يلي بقلبك كلو كلو
حكاية حب بعمرا بتقصر
ولوحة هالحب المجنونة
بتاكل من قلبك لمحبة
وبتزرع غيرة دبلانة
نظرة من عيونك بتقلي
الحرية بقلبك مسجونة
ليش الظلم محصن عندك
والرفض معشعش جواتك
خليكي لو مرة بقلبك
خليكي بلحظة حنونة
وقتا كل شي رح يتغير
وبراج الحب بتتعمر
ومن بعدا بدك تحكيلي
عن شوقك للعمر الجايي
عن حسرة عمر مخبايي
الساعات الكنتي تعديها
كان الحزن معبا فيها
لو حبيتي بكل جنونك
بوثق انك رح تنسيها
وترمي الحزن الماضي بحالو
ياحلوة بتمنى تنسي
مو كرمالي
كرمال عيونك ياعمري
بعدا عيشي عمرك كلو
من قلبك منك فزعاني
E-algharbi