بقلم الياس الغربي

( توازن ) قصيدة زجلية
----------------
اذا الانسان من شأنو مارفع
بينحد فكرو وبجهل عمرو يستعين

لهيك واجب عليه يعرف قدرتو
ويخوض بحر المعرفة مر السنين

واذا غير هيك كان وصار
بيصير متل الزوبعة بتزرع أنين

الانسان لو راح بشعورو وعلي
بتعلى معو الاخلاق بالفعل الرزين

واذا ماانحط احساسو وخلي
من فيض حب ومشاعر حنين

بيصير اقرب للشواخص كلها
فارغ معاني سامية ومنو رصين

واذا الانسان ضل ساكن باليأس
طموحو انعدم مولود جواتو حزين

ضروري وواجب بالعواطف نمتلي
العندو عواطف صادقة ومتكاملة
محط النظر بيصير من معدن ثمين

وواجب تكون عواطفو رمز الكمال
وتحمل معا الاخلاص والجانب امين

بهيك منقدر نحقق توازن نفسنا
ونبني شواهق عالية والله المعين

الانسان لو بالحق لدروبو رسم
بيضل مالك للثقة وعزمو متين

واذا الانسان عن هالحق تاه
بيخسر ثقة وضميرو بداخلو حزين

واذا الانسان صان للسمعة وشرف
بيعيش العمر مرتاح ومرفوع الجبين
E-algharbi