بقلم الكاتب فايز اهل

...    ...    ...      هو  حرام نبقى حبايب       ...     ...   ...
             ونعيش بحب؛ زي ما كانوا أيام زمان

                   يكون الحب بينا حقيقي
            ما فيهوش أبدا مصالح ؛ نبقى إخوان

                    أبقى حبيتك لشخصك
            مش محبة منافع ؛أبدا ؛ونعيش بأمان

                   أسال عليك إن غبت يوم
           تبقى إخوة إنسانية  ..  وأجمل جيران

                أسأل عنك لو الفقر عضك بنابه
           نمد  أيدينا  لبعضنا ... نطرد  الحرمان

                  تسأل عني وأسأل عنك
          تبقى بحق .. وأبقى أنا .. كمان إنسان

                     هذه  حقيقة  خلقنا
        نعيش بمحبة وسلام.. ونرضي ربنا الرحمن

  فايز أهل  
29-4-19