بقلم راضي مشيلح

دروب الوفا
،،،،،،،،،،،،،،،،،،،،،،
عصفور  طل الصبح  يحكيلي
وعن حزن قلبو  صار يشكيلي
ويسأل  عن    بيادر  محاصلنا
ال كانت حبوب الخير تهديلي
وكيف هيك تا كثرت  مشاكلنا
وخلّت    زغار   العش  تبكيلي
وشو صار  تا    نشفت مناهلنا
ال   كانت   لهلحلوين تسقيلي
رديت.      يا عصفورنا   جهلنا
بدرب السياسه ال ما  بيعنيلي
ويا   ويلنا  لو     كان ما عقلنا
وغنيلك.    وترجع      تغنيلي
لازم    سوا     نرجّع  محافلنا
ومَ نزيح عن درب الوفا  ميلي
شبعنا     بكي والدمع     بلّلنا
دمعاتك     هديني    بمنديلك
بهديك      دمعاتي    بمنديلي
،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح