بقلم الشاعرة دعد البيطار

لما عيونك لعيوني
عملوا مشوار..
قالوا الحدك شافوني
تومين قمار..

بجمع حروفي يادلي
قلبي تعبان
حارق دمي وعاملي
حبن إدمان
فكري خيالن راسملي
جوا الفنجان
وجوا قلبي واشملي
حبن تذكار....

لما عيونك لعيوني عملوا مشوار

فنجان القهوة غافي
مليان جروح
ومن زهر ورود شفافي
قلبو مجروح
وجوري ال ع خدودي غافي
يصرخ وينوح
بدو من النبع الصافي
ليطفي النار

ولما عيونك لعيوني عملوا مشواااااار

دعـد بيطـار